請注意這個活動已過期

哈囉喂全日祭2017 開心萬聖主題

地址

今年哈囉喂全日祭，11個萬聖景點，給你12種攪鬼體驗﹗

妖魔鬼怪會在日頭舉行妖怪慶典，最啱一家大小來撞鬼拍照﹗哈囉喂當然有合家歡景點，小朋友可跟爸媽挑戰全港最長室外Trick-or-treat之旅，仲可以到威威天地同Q版吉祥物威威與好友開個萬聖節派對﹗加上鬼怪歌舞大匯演等連場攪鬼SHOW，定要你笑住喊驚﹗

開心萬聖景點

威威與好友萬聖派對

It’s party time﹗威威天地已變成萬聖派對，小朋友可挑戰好玩搗蛋小遊戲，在搞鬼影相位拍下趣怪照片﹗記得參加「威威與好友搞鬼面具工作坊」，學習製作嘩鬼造型面具和裝飾﹗換上繽紛萬聖節打扮的吉祥物「威威與好友」更會隨時驚喜現身，與你齊齊開心Selfie﹗景點於10月5日至31日天天開放，想玩就玩﹗

*上午11時開放

搗蛋糖果工場

萬聖節有糖派是常識吧﹗各位小朋友快來全港最長的室外萬聖節遊樂徑，跟爸媽挑戰搗蛋小遊戲，更會獎你繽紛糖果﹗現場還有造型可愛的製糖工場佈景，任你盡情自拍開心全家福﹗提提你，遊樂徑於10月5日至31日天天開放，隨時都有得玩﹗

*上午12時開放

靈光萬聖祭

無論做人做鬼，最緊要好玩﹗一眾亡靈已換上夜光盛裝，在鬼火通明的小鎮與陽間凡人齊齊開派對﹗歡迎大小嘩鬼一齊載歌載舞同歡，或者跟七彩繽紛的鬼怪扮鬼臉合照，撞鬼都開心過人﹗

*日夜大變身鬼屋，中午12時至下午5時15分開放

哈囉喂動物大搜查

齊來和公園的可愛動物同慶萬聖節﹗海洋奇觀、尋鯊探秘及熱帶雨林動物展館內增添了哈囉喂特色的動物展板，讓大家認識更多有趣搞鬼的動物小百科﹗

必睇嘩鬼表演

猛鬼戲院最終回

即將光榮結業嘅舊戲院大搞告別派對，竟然有怪事發生？原來一眾猛鬼巨星驚喜現身搶盡風頭，仲同驅魔人展開連場歌舞大對決，引爆連環笑彈，實要全院滿座，票房長紅﹗

甜心精靈糖果舞

一眾南瓜妖精已換上繽紛萬聖服裝，一邊大跳活力勁舞，一邊向各位小朋友大派好味糖果，齊齊Fun享開心魔法﹗

決戰武音功

青蛇與白蛇為爭奪愛人大打出手，仲有東方不敗、神雕等高手加入大混鬥，施展「走音真驚」、「巨肺音波功」等無伴奏合唱神功，Jam出首首至Hit金曲，要你聽出耳油又笑到無得抖﹗

奪寶大武鬥

超級惡霸向武術宗師挑戰，定要搶奪稀世珍寶，用隱世功夫展開連場武鬥﹗同場加料放送愛情和搞笑橋段，各位觀眾記得睇足成場，落力拍掌﹗

火舞深淵

點起紅紅烈火，照亮幽冥地獄… 神秘靈異使者施展火輪、火焰流星錘等驚人鬼火絕技，引領各路靈魂上路投胎…

勁武煞姬

惡靈少女組定要打破弱質纖纖的固有印象，各自拎起犀利武器，跟隨強勁節奏大鬥至Hit舞技，跳出惡女新風格﹗

屍人大對決

而家驅邪仲用靈符同神劍？睇睇新世代法師點用靈異節奏加上勁Pop舞步，同扎扎跳的吸血殭屍大鬥舞技﹗嘩鬼們小心隨時舞魂上身，跳埋一份﹗

屍殺大逃亡

緊急警報﹗變種喪屍突襲動感天地，秘密驅魔小隊已奉命出動，用至強舞技殲滅嗜血喪屍﹗到底他們最後能否拯救人類？

撞鬼街頭舞

沉睡百年的妖魔鬼怪已經蘇醒，當然要玩番夠本﹗齊來欣賞各路鬼怪施展強勁街舞及Beat Box的「非人」絕技，歡迎全場嘩鬼一齊跟隨節奏勁舞狂歡，自創你的Free Style﹗

舞動勾魂夜

要出名，就要夠出位﹗美艷又神秘的舞者跳著令人目眩神迷的舞步，幕後老闆仲會施展令你大開眼界的Vogue舞技，定要爭做全場焦點﹗

縮骨妖姬

燈紅酒綠的陰暗角落之中，有一個神秘女子身懷能屈能伸的神奇本領﹗一於看看她示範縮骨功絕技，定要你目瞪口呆﹗

哈囉喂搶手精品

快來選購哈囉喂特色精品，手快有手慢無﹗「恐懼鬥室」T恤詭異登場，你可將自己或朋友名字和個人訊息印上T恤，自製「毒」一無二紀念品﹗我們亦推出DIY熊貓或企鵝毛公仔，由你親自為它設計特色T恤，自製專屬哈囉喂毛公仔﹗挑戰園內攤位遊戲，仲有機會贏走期間限定妖魔鬼怪公仔﹗

美食

海洋冰室主題美食

海洋冰室將會變身巫飯會客室，記得同神秘的中世紀刑具棺材影完相後，再品嚐魔間使者送上的「前菜大蝦化石沙律」、「主菜巫飯煮意」、「血池地獄特飲」等哈囉喂美食﹗而預約慌宅17鬼屋的貴賓更可在VIP房先享用「鬼畫符水」定定神，再展開神秘激嚇之旅﹗

恐懼鬥室主題美食

冰極餐廳和海龍王餐廳已變身「舐舐脷恐懼鬥室」，現場除了佈滿大家熟悉的經典Jigsaw面具，仲有餓鬼最愛的「恐懼鬥室套餐」及小嘩鬼喜愛的「兒童餐」，而水都餅店就有Jigsaw大頭紅桑子白朱古力慕絲餅，開餐前記得影低美食遺照﹗小食亭就送上「恐懼鬥室小食套餐」，等你邊食邊撞鬼﹗玩到出晒汗想飲杯嘢Chill一Chill？一於去食尚水都Lakeside Chill Bar點杯「血眼檸檬沙冰特飲」，夠晒透心涼﹗其他為食鬼推介包括「腦型大菜糕」、「炸雞槌配肉醬」等，各路嘩鬼記得盡情大吃，做隻飽鬼再上路﹗

立即購票

圖片：Ocean Park