請注意這個活動已過期

SUNIFG萬聖節街跑@九龍東2017

地址
通訊錄

今個萬聖節，個個都去開party或者玩鬼屋，唔通個個都剩係想咁樣過萬聖節咩。

仲掛住Trick or Treat？朋友你太out了，識玩梗係Trick or RUN！仲要係成班嘩鬼跑住反轉九龍東咁玩！約埋成班朋友同屋企人?太陽國際金融集團「萬聖節街跑@九龍東2017」！

有乜鬼咁特別一定要參加？

難得機會俾你扮鬼扮馬大街大巷咁跑，跑遍九龍東各區，包括：觀塘海濱長廊、觀塘工業區同大街小巷、以至啟德郵輪碼頭。
跑住幫人，因為是次活動為兩個慈善團體籌款，包括以長跑訓練為青少年的生命帶來改變的慈善項目「街跑少年」，以及香港傷健共融網絡。
大人細路都可以發揮創意，競逐裝扮大獎，有得玩仲可以贏走獎品！歡迎小朋友參加「最『鬼』馬小靈精扮相大獎」比賽，現場亦設有「最搞鬼扮相大獎」比賽。
仲有嘉年華，精彩活動包括：戶外音樂會、美食攤位、面部彩繪等。
活動費用低至每人HK$120，仲送大會紀念T恤，同埋完成獎狀。

有乜鬼活動好玩？

萬聖節街跑

與一眾嘩鬼跑住反轉九龍東！參加者可選擇不同路程：3公里、5公里、10公里、半馬拉松。活動將分組分時段進行，約三十人內一組以小組形式於「牛頭馬面領跑員」帶領下出發。不設計時、非競賽、不設名次獎項。為鼓勵大家盡情投入萬聖節氣氛，凡作萬聖節打扮「扮鬼扮馬」的參加者更可獲大會送出神秘禮物乙份！(詳情稍後公布)

參加者年齡：(3公里、5公里、10公里)：12至75歲, (半馬拉松)：18至75歲

南瓜特工孖住跑

唔想跑街又唔想一個人玩？拉埋朋友/男女朋友/老公老婆/阿仔阿女/阿爸阿媽一齊?孖住玩！
參加者需於限時內合力完成「南瓜怪魔」指派六個任務，包括真係捧住個南瓜跑，考你地默契、腦力、體力、敏捷度。成功完成就可以得到「南瓜怪魔」送出神秘禮物！邊六個任務？！咁易話你知就唔係「南瓜怪魔」啦！密切留意我地消息發佈！呢個活動不設計時、非競賽、不設名次獎項架。

路程：約2-3公里
出發時間選段：1:00pm / 2:00pm / 3:00pm
參加者形式：2人隊制
參加者年齡：6至75歲 (當中1位隊員必須滿18歲)
參加費用：每隊HK$250

最「鬼」馬小靈精扮相大獎

慶祝萬聖節一向都唔係大人?專利！小朋友係時候發揮創意同表演才能，以最搞「鬼」、最意想不到、最嚇人一跳?造型，成為最「鬼」馬小靈精贏走大獎！

參賽年齡及組別：(組別1) 3-5歲組別(組別2) 6-12歲組別
*所有參賽者都可獲大會頒發獎狀乙張
參賽名額：共100位
參賽費用：HK$100 (包括兩個比賽階段)
比賽階段：分為前後兩個階段：
階段1: 太陽國際金融集團「萬聖節街跑@九龍東2017」活動日前
階段2: 太陽國際金融集團「萬聖節街跑@九龍東2017」活動當日後